Current solar

Forza electrica solara per Schluein

Cull'acziun «forza electrica solara per Schluein» realisein nus cun Vus sco possessur(a) da casa Vies implont fotovoltaic a cundiziun specialas unicas. Tenor giavisch cun prefinanziaziun e pac general senza quitaus.

Da cuminonza cun Vus promovein nus la producziun d'energias regenerablas e fagein in impurtont pass en direcziun d'in avegnir energetic intact. Nossa finamira eis ei da realisar 200 kWp resp. ina surfatscha da cellas solaras da 1'500 m2a Schluein. Cunquei savein nus porscher a Vus in prezi nunbattibel per Vies implont fotovoltaic individual. Quel saveis Vus u cumprar ni prender a tscheins e cunquei profitar, tut tenor l'opziun elegida, d'ina prefinanziaziun e survigilonza. Sefidei da nies know-how da biars onns el sectur solar e daventei era Vus producent da current solar.

Saveis Vus, ch'ins indichescha cun kWp (kilowatt peak) la prestaziun maximala a cundiziuns normadas d'in implont fotovoltaic? Savens drov'ins per quei era il plaid «Nennleistung».

Quintar ils cuosts e la prestaziun da Vies implont

Vies implont fotovoltaic
Prestaziun: 0 kWp
Energia: 0 kWh

Vies tscheins d'affittaziun
CHF 0 al meins

  • Inclus damondas e lubientschas
  • Inclus moduls monocristallins da prestaziun aulta (moduls ners), alternatur e construcziun suten
  • Inclus installaziun / promt per la surdada
  • Inclus servis cumplet cun survigilonza e garanzia dalla

Vies prezi da cumpra
CHF 0

  • Inclus damondas e lubientschas
  • Inclus moduls monocristallins da prestaziun aulta (moduls ners), alternatur e construcziun suten
  • Inclus installaziun / promt per la surdada
  • Exclusiv cuosts hardware survegilonza

Pusseivladads da finanziar ed ulteriuras informaziuns

Vus saveis eleger sche Vus vuleis cumprar igl implont ni prender a tscheins quel. Tiel model dall'affittaziun surprendin nus la prefinanziaziun digl implont e Vus survegnis in pac cul servis cumplet inclus la survigilonza e la garanzia da funcziun da Vies implont pils proxims 15 onns.

Model prender si (affittaziun)

L'investiziun d'in implont solar ei colligiaus cun cuosts, savens maunca denton il capital necessari. Perquei stueis Vus tuttina buca desister d'in agen implont solar.

Cun nies model d'affittaziun amortiseis Vus Vies implont sur in temps da 15 onns cun contribuziuns meinsilas. Suenter ch'il contract per quei temps ei scadius, daventeis Vus possessur(a) digl implont. Nies model d'affittaziun includa in servis cumplet. Cunquei garantin nus a Vus duront gl'entir temps d'affittaziun ch'igl implont producescha perfetgamein. Duess zatgei buca funcziunar, sligiein nus il problem sin agens cuosts. Plinavon remplazzein nus gratuitamein parts necessarias, sco per exempel gl'alternatur eav.

Cuosts: CHF 16.— il kWp al meins

  • Inclus damondas e lubientschas
  • Inclus moduls monocristallins da prestaziun aulta (moduls ners), alternatur e construcziun suten
  • Inclus installaziun / promt per la surdada
  • Inclus servis cumplet cun survigilonza e garanzia dalla

Model cumpra

Tier nies model da cumpra s'auda igl implont solar a Vus directamein suenter l'installaziun. Vitier la controlla da funcziun offerin nus a Vus in pac da survigilonza ad in prezi attractiv (cuoz minimal dil contract ei 5 onns). Leutier survigilein nus Vies implont e procurein che quel produceschi perfetgamein.

Cuosts: CHF 1'660.— il kWp

  • Inclus damondas e lubientschas
  • Inclus moduls monocristallins da prestaziun aulta (moduls ners), alternatur e construcziun suten
  • Inclus installaziun / promt per la surdada

Cuosts hardware survegilonza

Pauschala da basa per mintga indrez: CHF 730.—

Sin giavisch survigilonza entras rhiienergie:

CHF 25.— il kWp ed ad onn

Impurtontas informaziuns e proceder

En paucs pass tier Vies agen implont fotovoltaic:

  1. Vus s'interesseis per in agen implont fotovoltaic? Nies meinaproject Daniel Eggenberger selegra dil contact cun Vus.
    Nus rendein attent che l'acziun vala mo per implonts sin tetgs usitai. Giavischeis Vus in implont baghegiaus el tetg ni in implont sin Vies tetg plat? Quei ei buca in problem. Era per quei havein nus ina purschida adattada ch'ei denton independenta dall'acziun «Forza electrica solara per Schluein».
  2. A caschun d'ina viseta persunala tier Vus nudein nus Vos giavischs ed examinein co dimensiunar Vies implont. Nus rendein attent che Vies implont sto esser minimalmein 32 m2.
  3. Silsuenter retscheveis Vus da nus ina planisaziun specifica cull'offerta adattada. Ils prezis da kWp ein leutier identics per mintga participont(a). Per regla han implonts fotovoltaics il dretg sin subvenziuns, quei cun in temps da spetga da treis tochen tschun onns. En nossa offerta ein quellas subvenziuns risguardadas el senn d'ina prefinanziaziun. Sbassaments da prezi ch’ein guridicamein aunc bu valeivlas (succedan probablamein igl atun 2019, definitivmein il mars 2020) ein bu risguardai ella calculaziun dil prezi
  4. Perschuada nossa offerta Vus? Lu selegrein nus d'astgar realisar igl implont per Vus. Nus rendein attent che l'empustaziun sto esser fatga tochen ils 01.06.2019.
  5. Suenter Vies consentiment inoltrein nus las damondas necessarias ed entschevein la lavur cu la lubientscha ei arrivada (quei cuoza rodund 30 dis). Sil pli tard in meins suenter saveis Vus duvrar Vies agen current solar giu dil tetg.

Contactei nus

Nies meinaproject Daniel Eggenberger selegra dil contact cun Vus. Telefonicamein eis el contonschibels cul numer 081 650 22 39, cun email daniel.eggenberger@rhiienergie.ch, ni cul formular da contact.

Persunalias